Полскиот државјанин Бартоломеј Краковјак призна дека ги осквернал статуите на Богородица и го запалил надворешниот олтар на црквата „Свети Јаков“ во Меѓугорје.
Тој пред Судот на БиХ изјавил дека сакал да го привлече вниманието кон своето верување дека јавувањата на Богородица и тврдењата на визионерите се измама. Според Обвинителството, дејствијата биле планирани неколку месеци, а за него е побаран притвор поради опасност од бегство и повторување на делото.
Според медиумските информации, тој не покажал каење и наводно изјавил дека би ги повторил своите постапки.