Девојка била донесена вчера во Здравствениот центар во грчкиот град Псахна во несвест.Како што соопштија членовите на нејзиното семејство, девојката наводно била касната од оса кратко пред да се струполи.Лекарите од Здравствениот центар веднаш започнале неколкучасовни обиди за реанимација, применувајќи ги сите пропишани медицински протоколи, но и покрај нивните напори, не можеле да ја оживеат.Според достапните информации, 21-годишната девојка пристигнала во здравствената установа во исклучително тешка состојба.Овој случај предизвикал голема вознемиреност кај членовите на семејството, но и кај персоналот на Здравствениот центар, поради што полицијата била повикана на местото на настанот.После тоа, нејзиното тело било префрлено во болницата во Халкида, каде што ќе се спроведат планираните процедури.Точната причина за смртта ќе се утврди со обдукција.