Пет лица се уапсени во близина на североисточната копнена граница на Грција со Турција поради наводен транспорт на нелегални мигранти, објави „Катимерини“.
Полицијата во петокот соопшти дека еден од осомничените бил фатен како вози автомобил со 12 патници натрупани во него. Помал број лица биле фатени во другите апсења.
И покрај оградата што Грција ја изгради по должината на поголемиот дел од границата со Турција на Еврос, илјадници луѓе од Блискиот Исток и Африка сè уште ја преминуваат секоја година во потрага по подобар живот во Европската Унија (ЕУ).
Мнозинството од нив им плаќаат на шверцери да ги внесат во Грција .
Околу 2.800 луѓе влегле нелегално преку границата на Еврос досега оваа година , додека други 10.000 пристигнале по море на јужниот остров Крит или на источните острови во Егејското Море.