Главоболка среде работен ден, покачена температура преку ноќ, болки во грбот по долго седење или непријатни менструални болки – повеќето луѓе денес сакаат едно: болката да исчезне што побрзо.
Во време кога сме навикнати сè да добиваме веднаш, не е изненадување што истиот пристап го применуваме и кога станува збор за лековите. Често бараме „нешто посилно“, верувајќи дека посилниот лек секогаш е и подобро решение.
Сепак, лекарите предупредуваат дека тоа не мора секогаш да биде така. Не секоја болка е иста и не секоја состојба бара најсилна терапија. Кај полесни до умерени болки и покачена телесна температура, парацетамолот и понатаму останува еден од најчесто препорачуваните лекови поради докажаната ефикасност и добриот безбедносен профил кога се користи според упатствата.
Кога болката е поизразена, како кај мигрена, болки во грбот, менструални болки или посилни симптоми на настинка и грип, може да се применат комбинирани терапии кои содржат парацетамол и ибупрофен. Овие две активни состојки дејствуваат синергиски и можат да обезбедат поефикасно олеснување на болката.
Експертите нагласуваат дека најважно е терапијата да биде избрана според видот и интензитетот на болката, а не според перцепцијата дека „посилно“ секогаш значи и „подобро“. Целта не е секогаш да се земе најсилниот лек, туку оној што најдобро одговара на конкретната состојба и потребите на организмот.
Пред употреба на било кој лек внимателно прочитајте го упатството и консултирајте се со лекар или фармацевт за можните ризици и несакани ефекти. Извор-Здравје/Дневник.хр.