Еден масен оброк може привремено да ја зголеми нивото на триглицериди во крвта, но обично нема ист ефект врз холестеролот. Триглицеридите и холестеролот се масти кои му се потребни на организмот за нормално функционирање, но нивните покачени вредности на долг рок можат да го зголемат ризикот од срцеви заболувања и мозочен удар.
Колестеролот учествува во изградбата на клеточните мембрани, создавањето хормони и варењето на мастите. Се разликува на LDL („лош“) и HDL („добар“) холестерол. Триглицеридите, пак, се вид масти што телото ги создава од храната, но и од вишок шеќер, алкохол и калории кои не се трошат веднаш.
По масен оброк, триглицеридите кај здрави лица најчесто достигнуваат врв по 3 до 4 часа и се враќаат во нормала во рок од 6 часа. Кај луѓе со веќе покачени триглицериди, овој процес може да трае и до 10–12 часа.
Еден повремен масен оброк сам по себе не предизвикува срцеви болести, но долгорочна исхрана богата со заситени масти, шеќери и рафинирани јаглехидрати може да го зголеми ризикот. Дополнителни фактори се дебелината, пушењето, алкохолот, недоволната физичка активност, генетиката и дијабетесот.
За одржување на здрави вредности на холестеролот и триглицеридите се препорачуваат балансирана исхрана, редовна физичка активност, непушење и редовни лекарски контроли.
Извор: Здравје/Дневник.хр.