Претседателот на Словенечката демократска партија (СДС), Јанез Јанша, изјави дека властите на СДС ја потврдиле содржината на коалицискиот договор со неколку други опозициски партии, со што се исполнуваат условите за поднесување на неговата кандидатура за премиер на Словенија, која ќе биде поднесена денеска.
По седницата на партискиот совет, Јанша рече дека со ова се завршува постапката за потврдување на коалицискиот договор, бидејќи повеќето потенцијални коалициски партнери веќе го сториле тоа.
„Ова значи дека се исполнети условите за поднесување кандидатура, што ќе биде направено за денеска“, изјави Јанша пред новинарите.
На прашањето дали очекува проблеми во финализирањето на коалицискиот договор, Јанша одговори дека претстојат уште неколку гласања „на кои ќе биде потребно да се потврди волјата со потписи“, но дека очекува потписите на пратениците за неговата кандидатура да бидат собрани до крајниот рок, односно денеска до полноќ