Централната изборна комисија на Косово не ја сертифицираше листата на граѓанската иницијатива „Заедно победуваме“ за учество на предвремените парламентарни избори на 7 јуни , со образложение дека овој политички субјект не ги исполнува законските критериуми за потребниот број потписи.
Листата на „Заедно победуваме“ вклучува кандидати од шест српски опозициски политички субјекти – Српско народно движење, Косовска алијанса, Ново лице, Српска демократија, Север за сите и Корени.
На 15 мај, иницијативата објави дека поднела жалба до Комисијата за изборни жалби и приговори, и ја оцени одлуката на ЦИК како „преседан“ бидејќи причината за одбивањето да учествуваат на изборите била тоа што телефонските броеви на некои од потписниците не биле наведени до нивните имиња.