Спиењето е клучно за правилно функционирање на организмот, а на возрасните им се препорачуваат околу 7 до 9 часа сон секоја ноќ. Сепак, покрај секојдневниот стрес и обврски, одредени здравствени состојби можат значително да го нарушат квалитетот на спиењето, меѓу кои и проблемите со тироидната жлезда.
Тироидната жлезда е мала, но многу важна жлезда која ги лачи хормоните Т3 и Т4, одговорни за регулирање на метаболизмот, енергијата и телесната температура. Кога нејзината функција е нарушена – било да станува збор за намалена активност (хипотироидизам) или зголемена активност (хипертироидизам) – тоа може да влијае и на сонот.
Кај луѓето со хипертироидизам често се јавуваат нервоза, ноќно потење и немирен сон, додека кај хипотироидизмот може да се појават чувство на студ, болки во мускулите и потешкотии со заспивањето. Истражувањата покажуваат дека лицата со нарушена функција на тироидната жлезда често спијат пократко и имаат полош квалитет на сон.
Доколку проблемите со спиењето траат подолг период, се препорачува консултација со лекар и проверка на функцијата на тироидната жлезда.
Извор: Д-р Митов