Со длабока тага и болка, колективот и учениците од СОУ „Јане Сандански“ – Штип ја информираат јавноста дека денеска ќе се одржи комеморација во чест на нивните прерано починати ученици Даме, Филип, Драгана и Стефанија.
Комеморацијата ќе се одржи во вторник, 10 март 2026 година, со почеток во 14 часот во просториите на училиштето. Настанот ќе биде можност учениците, наставниците, родителите и пријателите заедно да им оддадат почит на младите животи што прерано згаснаа, потсетувајќи се на нивната младост, насмевките, соништата и спомените што ги оставија зад себе.
Од училиштето ги покануваат сите кои ги познаваа и сакаа овие ученици да присуствуваат на комеморацијата и заедно да ја споделат тагата, но и спомените што ќе продолжат да живеат меѓу нив.
Комеморацијата ја организираат колективот и учениците од СОУ „Јане Сандански“ – Штип.