Утрово, по наредба на УСКОК, полицијата повторно го уапси градоначалникот на Нова Градишка, Винко Гргиќ, за кого ова не е прва средба со полицијата.Винко Гргиќ е на чело на Нова Градишка веќе 10 години, и иако претходно имал проблеми со законот, тоа не го спречило да освои нов мандат минатата година и да ја зацврсти својата позиција во градот.
Винко Гргиќ е ко-обвинет со Креша Петек и Дражен Баришиќ, поранешниот градоначалник на Велика Горица од ХДЗ, за проневера на средства од ЕУ. Обвинението на EPPO го товари Гргиќ дека двапати примил 15.000 евра мито од Петек во замена за манипулација со процедурите за јавни набавки со цел да обезбеди доделување на работа на два градежни проекти на компании поврзани со Петек.