За јасен и точен ултразвук на абдомен, потребна е соодветна подготовка, особено во исхраната. Три дена пред прегледот треба да се избегнува храна што создава гасови, како мешунки, зелкасти зеленчуци, сирово овошје и зеленчук, млечни производи, газирани пијалаци и алкохол.
Се препорачува лесна, едноставна и лесно сварлива храна: бел ориз, варен компир, немасно месо, тестенини без сосови и лесни супи. На денот на прегледот мора да се дојде на празен стомак, без храна, пијалаци и кафе. Исто така, се советува да не се пуши и да не се џвака мастика пред прегледот.
Со почитување на овие препораки се обезбедува појасна слика и попрецизен ултразвучен наод.