Пленарната седница на 51-то Народно собрание беше прекината денес, откако пратениците од „Вазраждане“ и „Алијансата за права и слободи“речиси се пресметаа физички. Тензијата ескалираше за време на дебатите за измените во Изборниот законик, објави БТА.
Искрата на конфликтот ја запали Цончо Ганев од говорницата, кој упати остри обвинувања до МРФ и АПС во врска со гласањето во странство. Тој го спомена и името на Христо Иванов во контекст на обвинувањата за воведување на турски јазик во бугарските училишта – теза што традиционално се користи за политичка провокација.
Народната правобранителка Велислава Делчева пак ѝ потврди на претседателката Илијана Јотова дека одбива да ја преземе функцијата привремен премиер. Таа ова им го соопшти на новинарите по консултациите со шефот на државата за назначување привремен премиер. Делчева неколку пати изјави, прво кога беше кандидат за функцијата, дека нема да ја прифати функцијата.