Спанаќ, кељ, киви, калинка, капини и боровница – вистинска витаминска бомба во една чаша. Оваа комбинација од овошје и зеленчук е богата со витамин К, кој игра клучна улога за здравјето и енергијата на организмот.
Примарната функција на витаминот К е спречување на прекумерно крвавење, преку помагање на правилното згрутчување на крвта. Станува збор за група соединенија, меѓу кои најзначајни се витамините К1 и К2. Витаминот К1 се наоѓа главно во растителната храна, додека К2 претежно се добива од храна од животинско потекло.
Во последните години се истражува и улогата на витаминот К2 во здравјето на коските и можната поврзаност со превенција од остеопороза, иако научните докази сè уште не се доволно силни за конечни заклучоци.
Овој природен пијалак му обезбедува на телото значително количество витамин К, што е особено корисно по големи операции или по породување, кога постои зголемен ризик од губење крв и потреба од побрзо закрепнување.
Подготовка:
Сите состојки ставете ги во блендер и блендирајте додека не добиете мазен и освежителен пијалак. Консумирајте веднаш за максимален ефект.
Здравје, енергија и свежина – сè во една чаша.