Црна Гора со години се соочува со сериозен недостиг на работна сила, а одлуката на Владата да прифати речиси 30.000 странски работници се смета за неопходна мерка На крајот од минатата година беа објавени податоци што укажуваат на голем парадокс на црногорскиот пазар на трудот: занаетчиските професии никогаш не биле подобро платени, но никогаш немало помалку занаетчии. Градежните и техничките професии достигнуваат заработка од 2.000 до 3.000 евра, додека одредени мајстори, како што се керамичарите, можат да заработат повеќе од 5.000 евра по ангажман. И покрај ова, во текот на 2023 година, Црна Гора мораше да издаде речиси 4.800 работни дозволи само за основни градежни работи.