Футуристички проект на италијанското студио MASK Architects наречен „Fiji Solar Crown“, користи конкавно параболично огледало интегрирано во „круната“ на објектот, кое ја фокусира сончевата светлина во една точка и овозможува максимално искористување на сончевата енергија.
Системот не само што произведува електрична енергија, туку и собира и обработува дождовница, обезбедувајќи питка вода. Проектот е развиен како одговор на проблемите со недостиг на енергија и вода на пацифичките острови, особено на Фиџи, каде електричната мрежа често е нестабилна или непостоечка.