Првиот црногорски сателит, наречен „Луча“, успешно беше лансиран во неделата во ниска Земјина орбита (LEO) со ракетата Сојуз од космодромот Восточни, во близина на границата меѓу Русија и Кина.
Директорот на организацијата Montenegro Space Research (MSR), Филип Јовиќевиќ, истакна дека овој настан претставува пресвртница во технолошката и научната историја на Црна Гора.
Првиот црногорски сателит има примарна мисија за мерење на космичкото зрачење, а дополнително е опремен со камера која ќе снима визуелни материјали од висина од околу 600 километри, како и со телекомуникациски системи за пренос на податоци кон Земјата.