Кочанчанецот Владимир Грчев освои нов златен медал на меѓународниот JetBrains Academy Youth Challenge 2025, во рамки на Coder Track – индивидуална програма за напредно програмирање и алгоритамско размислување.
JetBrains Academy Youth Challenge е глобален натпревар наменет за млади програмери, кој ги оценува нивните вештини преку комплексни алгоритамски задачи, логичко размислување и самостојна работа. Успехот на Грчев претставува уште една потврда за неговиот континуитет во врвните резултати и зрел пристап кон програмирањето.
Овој златен медал претставува значајно меѓународно признание, имајќи предвид дека JetBrains е една од водечките светски компании во развој на професионални програмерски алатки, а нивната академија важи за сериозна платформа за едукација и селекција на млади ИТ таленти.