Обилни дождови го погодија грчкиот туристички остров Крф. Селото Карусадес, во кое живеат 2.000 луѓе е отсечено од светот а дури и полициската станица е блокирана со тони кал, изјави градоначалникот на општина Северен Крф. Надлежните се надеваат на пристигнување механизација од други делови на државата за да се отстрани калта, пред да продолжат дождовите кои се предвидени и за денес.
Многу патишта на островот се блокирани или уништени а училиштата во понеделник ќе останат затворени поради последиците.