Српскиот претседател Александар Вучиќ демантираше обвинувања дека учествувал во „Сараевското сафари“ – наводни експедиции во кои странски туристи плаќале за да пукаат во цивили за време на опсадата на Сараево.
Во интервју за ТВ Информер, Вучиќ изјави дека бил во Пале само „како новинар“, никогаш немал пушка и ги отфрли сите обвинувања како „невистини“. Тој најави дека ќе тужи западни медиуми, вклучувајќи Гардијан и Дејли Меил, и ќе ангажира најдобрите адвокати во светот.