Штипскиот регион викендов влегува под удар на нов бран нестабилно време. Метеоролозите предупредуваат дека во источните и југоисточните делови од земјата се очекуваат пообилни врнежи, локално и над 40 литри дожд на метар квадратен за само 24 часа.
Времето ќе го следи засилен јужен ветер со брзина до 60км/ч, кој ќе донесе релативно високи температури за овој период од годината.
Стабилизирање на времето се очекува од понеделник и вторник, кога ќе настапи заладување – утринските температури во Осоговско–Малешевскиот регион ќе се спуштат под нулата, додека во Штип минималните ќе бидат околу 1 до 2 степени.