“Молчи прасенце”-Трамп повторно „експлодира“ – навреда кон новинарка и жесток удар врз демократите
Американскиот претседател Доналд Трамп создаде вистинска медиумска бура. Додека новинарка се обидуваше да постави прашање, Трамп ја пресече со навредлив коментар што веднаш предизвика шок и реакции низ салата.- “Молчи прасенце”
Но тоа не беше сè – поранешниот претседател со уште поостра реторика удри по демократската партија, обвинувајќи ги за „хаос“ и „предавство кон американскиот народ“. Објавата веднаш се прошири на социјалните мрежи со илјадници коментари, реакции и поделен јавен став.
Демократите реагираа со гнев откако Доналд Трамп обвини група демократски законодавци за „СЕДИЦИЈА, казнива со СМРТ“ и дека треба да бидат уапсени, поради видео во кое им порачуваат на активните војници да не извршуваат нелегални наредби.
Во видеото, објавено во вторникот, се појавуваат шест демократи кои претходно служеле во војската или разузнавачките служби, меѓу кои сенаторите Елиса Слоткин и Марк Кели, и пратениците Меги Гудлендер, Крис Делузио, Крис Хулахан и Џејсон Кроу. Тие во видеото истакнуваат дека секој што е заклет на Уставот може и мора да одбие нелегални наредби.
Трамп на тоа реагираше бесно на Truth Social, пишувајќи дека станува збор за „СЕДИЦИЈА НА НАЈВИСОКО НИВО“ и дека „сите овие предавници треба да бидат уапсени и ставени на суд“. Во други објави, тој напиша: „СЕДИЦИЈА, казнива со СМРТ“ и сподели пост со порака: „OБЕСЕТ ГИ, ЏОРЏ ВАШИНГТОН БИ ГО НАПРАВИКЛ ТОА!!“
Демократските лидери во Претставничкиот дом, Хаким Џефрис, Кетрин Кларк и Пит Агилар, осудија, потенцирајќи дека „политичкото насилство нема место во Америка“ и дека Трамп упатил „одвратни и опасни закани по животот на членови на Конгресот“. Тие исто така контактирале со сержантот на оружјето и Капитолската полиција за да се обезбеди безбедноста на членовите и нивните семејства.