Денеска во просториите на Општина Зрновци се одржа примопредавањето на функцијата градоначалник. Со тоа, Ванчо Митев и официјално ја презеде функцијата и стана нов градоначалник на Општина Зрновци.
На свеченото примопредавање присуствуваа вработени од општинската администрација и претставници на локалните институции. Новиот градоначалник се заблагодари за довербата и истакна дека ќе работи посветено на реализација на проекти кои ќе го подобрат животот на граѓаните на Зрновци.
Митев најави дека во наредниот период приоритет ќе бидат инфраструктурните инвестиции, поддршката на земјоделството и подобрување на јавните услуги за сите жители на општината.