Обдукцијата на телото на 36-годишната Катарина Глигоријевиќ, кое вчера беше пронајдено во замрзнувач во куќата на нејзиниот вонбрачен партнер, 43-годишниот Далибор Демировиќ од селото Печеневце кај Лесковац, открила стравотни детали за убиството.
Според неофицијални информации, причината за смртта е задушување. На вратот на жртвата биле забележани јасни траги кои укажуваат дека Далибор со раце ѝ го стегал вратот сè додека не починала.
Пред задушувањето, Катарина била брутално претепана. На нејзиното тело биле пронајдени околу четириесет повреди нанесени со тупаници. „Прво ја тепал, а потоа ја задавил,“ велат извори запознаени со истрагата.
Страшните детали од местото на настанот покажуваат дека убиецот се обидел да го сокрие злосторството. Случајот бил пријавен во полиција од роднини на осомничениот во раните утрински часови.
Иако полицијата уште околу шест часот наутро ја извршила првата претрага на куќата, вклучително и на замрзнувачот, телото не било забележано.
Дури при повторна и подетална претрага, околу пладне, било откриено телото на дното на замрзнувачот, покриено со кеси.
Осомничениот Далибор Демировиќ е во бегство, а полицијата интензивно трага по него.