Романското Министерство за одбрана потпиша договор со холандската влада за купување на 18 борбени авиони Ф-16 Фајтинг Фалкон, заедно со потребната опрема, објави романскиот министер за одбрана Јонут Муштеану.
Според него, овие авиони ќе се користат исклучиво за обука во Европскиот центар за обука Ф-16 во Фетешти, Романија.Центарот веќе стана регионален центар за обука на пилоти од земјите-членки на НАТО и сојузничките земји.
Муштеану истакна дека Романија ќе плати симболична цена за авионите од 1 евро.
Романија ќе ги покрие трошоците за обука на украински пилоти во Фетешти од државниот буџет.
