Десетици илјади луѓе се собрани денеска во Нови Сад за да им оддадат почит на жртвите од падот на настрешницата на железничката станица во градот пред точно една година.
Долги колони граѓани се упатија денеска околу 10:30 часот од 16 различни локации во Нови Сад кон Железничката станица, каде што во 10:52 часот се оддржа 16-минутен молк во спомен на годишнината од смртта на 16 лица под настрешницата на реновираната зграда на станицата.
„Владата на Србија донесе Одлука за прогласување Ден на жалост по повод годишнината од смртта и страдањето на граѓаните поради уривање на конструкцијата на Железничката станица во Нови Сад. За денот на жалост се одредува 1 ноември 2025 година“, се наведува во соопштението.