Меѓународниот нарко-бос со македонски пасош, познат како „Балкански Ескобар“, Рамо Р. (52), е уапсен во бегство во Шпанија. Акцијата се случила во Фуенгирола, по долга истрага на Европската полиција и австриската работна група „Ахил“.
Рамо Р., двоен државјанин на Македонија и Австрија, беше еден од најбараните криминалци во ЕУ. Тој се смета за мозокот на меѓународната трговија со дрога, со мрежа која се протега од Јужна Америка до Европа, вклучувајќи Шпанија, Белгија, Холандија, Италија, Турција, Иран и Балканот.
Истражителите го следеле преку криптирани комуникации на мобилни телефони, што довело до неговото откривање. Порано, во 2015 година, Рамо Р. беше уапсен во Виена и издржа четири години и шест месеци затвор поради трговија со дрога.
Последните истраги покажуваат дека само дел од откриените количини дрога надминуваат еден тон: 223 кг кокаин, 107 кг хероин, 493 кг канабис и 141.000 таблети екстази, со улична вредност од 34 милиони евра.
Истрагата продолжува, а до сега десетици високи членови на балканскиот клан се уапсени. За нив се бара казна затвор во вкупен износ од 1000 години.
