Утрово силни земјотреси го погодија Родос, Аргентина и Костарика. Најсилниот од нив регистриран е со јачина од 5,8 степени според Рихтеровата скала.
Земјотрес со јачина од 4,7 степени го погоди подрачјето околу грчкиот остров Родос, објави Европско-медитеранскиот сеизмолошки центар (EMSC). Епицентарот бил на отворено море, североисточно од градот Родос, на длабочина од 30 километри. Очевидците пријавиле дека потресот бил почувствуван и во блиските турски крајбрежни градови, а многумина биле разбудени од силниот потрес. Засега не е издадено предупредување за цунами.
Во Аргентина, силен земјотрес од 5,7 степени ја погоди областа Ла Риоха. Епицентарот бил на 188 километри од градот Сан Луис, на длабочина од 122 километри, според податоците на EMSC.
Најсилниот денешен земјотрес од 5,8 степени ја погоди Костарика, на 43 километри од главниот град Сан Хозе, на длабочина од 31 километар. Потресот бил силен и долготраен – предмети паѓале од полиците, а домашните миленици, како кучиња и мачки, биле видливо вознемирени.
Засега нема извештаи за повредени или материјална штета од овие земјотреси.