Министерството за здравство информира дека започна вакцинацијата против сезонски грип, а мобилни превентивни тимови веќе вршат имунизација во домашни услови на неподвижни, повозрасни лица и лица со попреченост.
Акцијата се спроведува низ целата држава, со цел да им се овозможи на најранливите категории граѓани навремена заштита од грипот, без потреба од доаѓање во здравствена установа.
Досега се пријавени околу 60 илјади граѓани, а над 8 илјади веќе ја примиле вакцината. Вакцинацијата е бесплатна за ризичните групи и може да се закаже преку апликацијата vakcinacija.mk или преку матичниот лекар.