Од јуни 2026 година, граѓаните на Црна Гора и Албанија ќе можат да користат мобилни услуги низ Европската унија по истите цени како дома, без дополнителни трошоци за роаминг.
Исто така, патниците од земјите на ЕУ кои ќе патуваат во Црна Гора и Албанија ќе плаќаат домашни тарифи за телефонски разговори, пораки и интернет.
Оваа мерка е дел од европската иницијатива за економска интеграција на Западен Балкан, со цел намалување на бариерите и трошоците за комуникација во регионот. Двете земји веќе се приклучија и кон европскиот систем за плаќања SEPA, што овозможува побрзи и поевтини меѓународни трансакции.
Преговорите за приклучување кон европскиот роаминг пазар продолжуваат и со другите земји од регионот, вклучувајќи ја и Украина.