26-годишен возач од скопско Патишка Река бил казнет двапати во ист ден за екстремно брзо возење. Прво бил фатен како со „Фолксваген Пасат“ се движи со 181 км/ч на автопатот Скопје–Тетово, а само неколку часа подоцна повторно бил запрен во Тетово, каде возел со 105 км/ч низ градот, на делница со ограничување од 50 км/ч.
И двата пати бил санкциониран од полицијата. Случајот предизвика бурни реакции поради крајната дрскост и опасноста за безбедноста на другите учесници во сообраќајот. Полицијата апелира возачите да ја почитуваат брзината и законите, за да се избегнат трагични последици.