Владата на Федерацијата Босна и Херцеговина на вонредна телефонска седница донесе одлука понеделник, 13 октомври, да биде прогласен за Ден на жалост по повод смртта на легендарниот пејач Халид Бешлиќ.
Одлуката е донесена на иницијатива на голем број граѓани, со цел на денот на неговиот погреб и комеморација да му се оддаде почит на еден од највлијателните изведувачи на босанската народна музика.
Халид Бешлиќ почина на 7 октомври 2025 година, оставајќи длабока трага на музичката сцена и во културното наследство на регионот. Владата соопшти дека неговата смрт претставува голема загуба не само за Федерацијата БиХ, туку и за сите љубители на неговата музика во поранешните југословенски простори и пошироко.
Покрај својата богата музичка кариера, Бешлиќ ќе остане запаметен и по својата хуманост, скромност и достоинствен однос кон јавноста, со што даде значаен придонес во зачувувањето и промовирањето на културниот идентитет на босанско-херцеговското општество.
