Министерката за туризам на Црна Гора, Симонида Кордиќ, е тешко повредена во тешка сообраќајна несреќа што се случила денеска околу 14:45 часот на автопатот од Драгаљ кон Грахово и Рисно, потврди Полициската управа.
Кордиќ се наоѓала во службен автомобил „мерцедес“ управуван од возач на Министерството за туризам, кога по еден од тунелите на патот во Драгаљ дошло до судир во кој учествувале уште две возила.
Во несреќата, покрај министерката, е повредена и жена со иницијали С.Ч., која патувала во друго возило. Министерката веднаш била пренесена во Клиничкиот болнички центар во Котор, каде е хоспитализирана со тешки повреди, додека С.Ч. е сместена во Специјалната болница „Васо Ќуковиќ“ во Рисно со полесни повреди.
Полициската управа соопшти дека причините за несреќата засега не се познати и дека увид на местото вршат надлежните служби.