Веселбата на една свадба во Шибеник заврши со трагичен исход, откако жена беше погодена во глава со сигнална ракета и им подлегна на повредите.
Несреќата се случила за време на прославата, кога при испукување на ракета таа ја погодила жената, предизвикувајќи тешки повреди. Повредената веднаш била пренесена во Општата болница во Шибеник, но лекарите не успеале да ѝ го спасат животот.
Полицијата соопшти дека е уапсен 52-годишен маж, осомничен за испукување на ракетата, против кого е покрената кривична постапка. Во моментов се врши увид на местото на настанот, а истрагата ќе ги утврди сите околности на трагедијата.
Сигналната ракета е пиротехничко средство што најчесто се користи за означување позиција или повик за помош во воени, авијациски и поморски услови. Поради силниот исфрлен притисок и брзина, таа може да биде исклучително опасна доколку не се ракува внимателно – нешто што за жал го потврди и овој трагичен случај.