Во селото Богава убиени се сопружниците М.Р. (79) и З.Р. (76), а според извештаите на локалните медиуми, нивниот внук М.М. е осомничен за двојното убиство. Мештаните тврдат дека тој зел автомобил и избегал по злосторството, пишува Телеграф.
Соседите се во шок и велат дека убиените сопружници биле мирни и чесни луѓе, добро познати во селото. Тие велат дека осомничениот млад човек не оставал впечаток на проблематична личност, додавајќи дека целото семејство уживало почит во селото и дека никој не можел да предвиди таква трагедија.