Малолетниот убиец К.К., кој на 3 мај 2023 година изврши масакр во основното училиште „Владислав Рибникар“ во Белград, можел да убие повеќе соученици ако не му се стеснела свеста во критичниот момент. Ова го потврдуваат судските вештаци кои сведочеа на рочиштето против неговите родители, по приватна тужба од родителите на една од жртвите. Кецмановиќ, во својот крвав поход, го уби обезбедувачот на училиштето и девет соученици, а неколку други беа повредени.
Според вештаците, вклучувајќи психијатар и психолог, К.К. бил способен да расудува и да ги контролира своите постапки во моментот на масакрот. Вештакот истакна дека малолетникот бил свесен за своите дејствија, но краткотрајно имал стеснување на свеста. Тој проценил дека К.К. би убил повеќе луѓе ако не му се случило тоа стеснување, бидејќи во моментот кога поминувал покрај прозорецот, одлучил да го запре продолжувањето на злосторството.