На почетокот на следната година може да се очекува првата генерација што ќе отслужи задолжителен воен рок во Србија, најави вчеравечер српскиот министер за одбрана Братислав Гашиќ.
За таа цел, како што рече, српската армија подготвува повеќе од 120 простории и работи на унапредување на воени станици.
Според најавите на српската армија, воениот рок треба да трае 75 дена. Тој ќе биде задолжителен за мажите, а можноста за доброволно пријавување е наменето за жените.
Се планира да се воведат и специфични форми на служење воен рок за оние со техничко и технолошко познавање, кои би можеле да бидат ангажирани во единици специјализирани за управување со беспилотни летала и други модерни технологии.
Предвидено е регрутите да поминат 60 дена во обука, а 15 дена на завршни воени вежби.
Повторното воведување на воената служба, според српската влада, претставува значаен чекор кон зајакнување на одбранбените капацитети на земјата.