Лидер на албанската опозициска, Демократска партија, Сали Бериша, објави дека ќе се обрати до Уставниот суд за да се спротивстават на уредбата за виртуелната министерка „Диела“, обвинувајќи дека „претседателот на државата е принуден да потпише сè што му испраќа Рама“.
– Со скандалозниот чин, претседателот на Републиката именува виртуелен, непостоечки министер, навредувајќи го Уставот, земјата и функцијата шеф на државата. И тоа го прави како роб на Еди Рама, кој е длабоко вмешан во кражбата и злоупотребата на армискиот имот и е принуден да потпишува сè што му испраќа Еди Рама. Невиден чин, изјави Бериша.
Според него, Рама направил врева со промоција на „Диела“, за да прикрие дека „создава кабинет од украдени гласови, кабинет од изборната фарса“.