Голема полициска операција во БиХ. Апсења на „ловци на педофили

На барање на Обвинителството на Сараевскиот кантон, утрово започна акција за апсење и претрес во неколку кантони, а целта се членовите на неформалната група Пантер.

Оваа група е формирана неформално, а членовите се претставуваат јавно како борци против педофилијата. Тие договараат средби со луѓе за кои се сомневаат дека се педофили, ги снимаат, ги злоупотребуваат и го објавуваат тоа на социјалните мрежи. Но, истрагата откри дека во нивните активности може да има елементи на изнуда.

Членовите на групата одбија каква било претходна соработка со полицијата и истражните органи во врска со нивните обвинувања за педофилија. Поради оваа причина, претресите се насочени и кон пронаоѓање на компромитирачка видео снимка наводно на директорот на едно од јавните претпријатија, со цел да се утврди постоењето на кривичното дело за кое зборуваа Пантерите.

Тие се осомничени дека заеднички ги извршиле кривичните дела насилно однесување, неовластено снимање, уцена, загрозување на безбедноста и нарушување на неповредливоста на домот. „Во исто време, истражителите од полициските агенции бараат материјални и дигитални докази за наводни снимки направени на штета на децата. Тековната операција се спроведува со помош на Агенцијата за разузнавање и безбедност на Босна и Херцеговина“, се заклучува во соопштението.

Тие се најдоа во центарот на вниманието по претепувањето на Хасет Тириќ, за кого тврдат дека е педофил.