Викендов се појави видео на кое се гледа црвен тркачки автомобил како вози по чешкиот автопат Д4, запирајќи да наполни гориво.
Возачот, 51-годишен маж, бил уапсен во својот дом и приведен откако накратко одбил да излезе од возилото.
Синот на возачот изјави за локалните медиуми дека десетици полициски автомобили и хеликоптер ја опколиле куќата, што според него е претерана реакција „на наводен сообраќаен прекршок“, како што објави Би-Би-Си .
„Нема да коментираме за ова прашање“, беше сè што возачот на формулата им рече на медиумите.
Полицијата првпат успеа да разговара со возачот на фантомската формула во 2019 година, кога слики и видеа од автомобилот на автопатот почнаа да се појавуваат на интернет.
Тие го пронашле возилото и го испрашале неговиот сопственик, кој негирал дека некогаш го возел по автопатот. Не е јасно дали станува збор за истото лице кое полицијата сега го уапси.
Видео снимено од локалните медиуми го прикажува како седи во автомобил пред својата гаража, се расправа со полицајци и вели дека тие влегуваат нелегално на приватен имот, како што објави чешката ТВ Нова .
На крајот попушти и се согласи да оди во полициската станица на испрашување, сè уште носејќи ја црвената тркачка опрема и кацига. Според подоцнежните медиумски извештаи, тој одбил да одговори на какви било прашања по пристигнувањето.
Превземено: 24ур