Недостатокот на лекари и долгите листи на чекање за прегледи се проблеми што ги мачат многу Австријци. Еден затвореник, кој троши огромни суми пари за својата нега, предизвика особено негодување во јавноста. Затвореник (29), кој тежи речиси 300 килограми, има месечни трошоци од дури 55.000 евра.
Рамката на креветот во најголемиот затвор во Австрија не може да ја издржи неговата тежина, па во друг затвор, му беше обезбеден специјално заварен, зајакнат кревет. Покрај тоа, за него се грижат медицински сестри од надворешна компанија 24 часа на ден.Цената на негата е приближно 1.800 евра дневно. За споредба, просечниот затвореник има дневни трошоци од околу 180 евра дневно.
Во станот на 29-годишникот во Виена беа пронајдени големи количини дрога – вклучувајќи 45 килограми канабис, два килограми кокаин, речиси два килограми амфетамин и повеќе од 2.000 таблети екстази.И покрај ова, адвокатот тврди дека неговиот клиент не е способен да изврши вакви кривични дела.
Многу службеници се прашуваат зошто „специјалниот пациент“ од 300 килограми не е сместен во дом за стари лица. Тоа веројатно би било многу поевтино, особено имајќи предвид дека човекот, дури и ако биде осуден, веројатно не е медицински способен да отслужи затворска казна.