Очајна како гинекологија, во штипската болница е и хирургија.

Освен Гинеколошкото, во Штипксиот клинички центар во очајна состојба е и Хируршкото оддление, реагираат анонимни извори за ТВ Стар. Нашите соговорници тврдат дека за разлика од Гинеколошкото, овде состојбата со лекари е подобра, но условите за работа биле катастрофални. Се изведувале само полесни операции, како слепо црево и кила, бидејки со месеци недостасува соодветна опрема. Поради ова, на ризик се подложни и пациентите и лекарите кои работат во страв. Се плашат од лоши последици, тужби од пациентите и затвор или губење на доверба.Сепак, хоророт со штипскиот клинички центар не завршува само со овие две одделенија. Иста или слична е и во другите, што на крајот упатува дека проблемите се генерални, односно дека здравството е во кома а пациентите во неизвесност.Оттука, директорот Панче Пуздерлиски треба да биде доблесен и на јавноста состојбата да и ја презентира во реална верзија. Камуфлирањето на проблемите, што од лошо менаџерирање што од генерална состојба е можно да бидат последици со трагичен епилог. Комични Прес конференции од типот на вчерашната, состојбата, нема да ја сменат.