Штипската полиција фати затвореник кој една недела е во бегство

Вчера, штипската полиција фати затвореник од казнено поправниот дом-штип кој една недела се води како бегалец. 32-годишниот штипјанец Шефли Мустафов кој одслужувал казна затвор за полесно кривично дело бил пуштен на викенд меѓутоа по завршувањето тој не се вратил во штипскиот затвор. Веднаш потоа била распишана и потера по него. По превземените оперативни мерки од страна на СВР Штип, вчера претпладне, Ш.М е фатен во близина на бањата черења и вратен во штипскиот затвор.Ова е второ бегство од казнено поправниот дом во Штип. Пред околу 20тина дена, од штипската болница побегна осуденик од Радовиш по кој полицијата сеуште трага.